日本男星山下智久自從8月被爆與未成年o靚模「愛子」其處一房8個鐘後，就一直被所屬嘅傑尼斯事務所雪藏，但今日日本八卦雜誌《週刊文春》就爆料指，山下智久已經於10月尾與傑尼斯解約，未來將一心進軍荷里活。

在 Instagram 查看這則貼文

一年前のロスの写真です。 この時のように、輝く未来が来ることを願っています。 I took these photos a year ago. I hope that a bright future will come, just like this time.

Tomohisa Yamashita（@tomo.y9）分享的貼文 於 PDT 2020 年 5月 月 31 日 下午 8:02 張貼

不過，成件事又未必係「山下智久被人炒」。據《週刊文春》引述知情人士透露，一直想做個「全球性歌手兼演員」嘅山下智久早於今年6月，即係「爆房事件」發生之前，就已經向傑尼斯表示想喺今年12月合約完結後退社，全力海外發展，但當時傑尼斯就希望「山P」能夠留到下年3月，最後山P亦同意。而8月時爆房事件發生後，山P就被傑尼斯雪藏，暫停一切演藝活動。

但就喺呢個時候，山P接到來自荷里活嘅電影出演邀請，深知傑尼斯當然唔會容許雪藏中嘅佢參演，但又唔想錯過呢個機會，所以山P自己飛咗去加拿大參加拍攝，同時再次向傑尼斯提出解約，而傑尼斯亦已經於10月尾同意。

愛子。據赧本身係Model嘅佢亦已經被事務所解約，IG亦已刪除

同樣係據知情人士透露，山P未來將會主力發展海外演藝活動，而除咗目前參與緊嘅電影拍攝，之後亦已經確定會參與「荷里活知名導演嘅劇集」。