利害了中國即將進入量子手機通話新世代，中國電信及國盾量子企業正研發一個支援手機量子安全通話計劃，預計今年尾或明天初就可以正式推出，爆天荒向民眾提供「量子通話」國產手機，所謂量子通話係一種新世代動物農莊式安全電訊模式，係中國所有手機通話都係安全，但「普通通話」同「量子加密通話」唔同，「量子加密通話」更加安全，一但使用保證除政府以外無人可破解偷聽你對話。中國電信好快就可以向中國消費者提供國產量子通話技術手機，一鍵加密量子保障，有錢係中國就是特別安全。

中國電信聯同國盾量子(688027.SH) 合作雙方正研發一個手機支援量子安全通話的新計劃。據報技術其實已經非常成熟，好快就可以推出民用市場。當然名字上量子通話好似超級強勁，但其實所謂量子通話無咩神秘，只是利用量子密鑰資源應用係電話對話使用的思路，將量子密鑰的移動分佈轉化為更加實際的密鑰資源的移動使用，解決由量子密鑰固定網絡到手機移動終端的最後貫通問題(只是呢方面係新科技)，手機只是量子密鑰資源移動化使用的載體。最簡單講即一部內置量子密鑰分配功能的手提電話。

量子通話手機賣點就係絕對安全，安全係任何商業產業鏈一直追求的極致目標。通話安全都係一種重要的需求，最初2G時代CDMA其中一個賣點就係安全保密，如今樣樣都機不離手衣食住行都要用電話，手機安全理論上係馬虎不得。問題係咩野係安全，你同人通話有無需要追求絕對安全無可竊聽？相信答案一定係重要，一定要安全，但如果成為商品，要追求安全加錢用量子通話你肯唔肯比錢先？有左量子通話日後再發展量子網絡，安全性方面將會更加可靠，但我唔保證所謂安全係由邊一個定義，可能係政府話安全就係安全，我地全部納入一個安全的量子網絡當中。

老實講相信對於一般消費者而言所謂量子安全通話實際意義不大。量子通信短期內吸引的係追求絕對安全的商業市場和用戶。我知道一定有好多人想向中國電信「挑機」日後試用量子安全通話，睇下係咪講咩都咁安全，可以比錢升級暢所欲言甚至炒蝦拆蟹大鬧八字真言。