1970年代之後再無國家嘗試上月球採集岩石等月球地質樣本，昨日中國剛成功發射「嫦娥五號」月球探測器的長征五號遙五運載火箭升空，成功將嫦娥五號送入預定軌道，進行中國首次月球無人採樣返回任務。先唔講突破過去得美蘇兩國成功的威水史，好多人對月球呢個充滿謎團的衛星深感興趣，甚至有好多詭異都市傳說，尢其關於月球背面，地球人永遠睇唔到的另一面充滿好奇同恐懼。今次中國「嫦娥五號」正好夠膽係月球背面採樣本，到底中國會唔會成功揭示月球背面種種傳說般的奧妙。

「嫦娥五號」月球探測器將嘗試收集月球被稱為「風暴洋」（Oceanus Procellarum，Ocean of Storms）的一大片熔岩平原，以鑽取方式入兩米深的月壤巖芯柱收集 2 公斤重的月球土壤樣本。相信將會有助於科學家，了解更多月球起源和形成的物質。呢次任務更加可以測試中國係更為複雜的任務之前，從太空中遠距獲取樣本的能力。

中國係 2013 年首度登月， 2018 年 5 月間將中繼通訊衛星「鵲橋」發射升空，中國使用月球探測器探勘月球背面時，「鵲橋」將可讓探測器與地球聯繫。到2019 年 1 月，嫦娥四號成功登陸月球背面，係人類首次在月球背面著陸，開啟人類探測月球的新一頁。月球背面又稱「月之暗面」，地球人永遠無法係地球上直接望到。過去雖曾有人拍過月球背面的照片，最早一批影像甚至在 1959 年就出現，但從未有人進行探勘。當然最早實現人類登月的係美國阿波羅（Apollo）計畫，美國由1969 到 1972 年 6 次飛行任務中發送左 12 名太空人，從月球帶回了 382 公斤的岩石和土壤。不過之後就一直停頓。而前蘇聯就係 1970 年代成功透過機械人太空飛行器帶回樣本。最後一次，Luna 24從危機海（Mare Crisium，Sea of Crises）帶回左 170.1 克的樣本。

據知美國可能又重新開動月球新計劃，美國太空總署（NASA）2019 年曾表示，佢地正加速推動讓美國人重返月球的計畫，而且今次仲打算建立長期居所研究點。中美兩國會唔會再進行太空競賽可以期待，不過燒錢背後，我更想知道的係一系列 「月之暗面」月球背面的神祕傳說，係唔係將會隨著科技同愈來愈多的太空探索而不攻自破？還是月球背面其實真係多姿多彩充滿各方外星神秘力量？