Netflix大熱系列《Crown (王冠)》以及Netflix歷年來最多一睇嘅迷你劇集《Queen's Gamit (后翼棄兵)》除咗劇情好睇之外，亦係以靚人靚景靚衫聞名，而且戲服設計更加與角色嘅心景、年齡以及現實 (《Crown》系列)有所呼應——不過作為一個普通觀眾，有時真係唔知咁多細節。好在Netflix與美國紐約布魯克林博物館聯手製咗一個線上展覽，為觀眾講解《Crown》第四季及《Queen's Gambit》嘅戲服設計。

圖片：截圖自thequeenandthecrown.com

童入線上博物館後，就會見到來自兩套劇集嘅戲服擺放於展廳之中，只要點擊戲服就可以睇到出場時刻、設計背景、以至服裝設計團隊嘅介紹、演員們嘅訪問等等。例如上圖呢條「Water Dress」就係《Queen's Gambit》第一集一開頭、以及第六集中段時Anya-Taylor Joy所穿，除咗要表達「Beth」到達巴黎後嘅光鮮亮麗，亦要於Beth飲醉後從浴缸醒返時，視覺上睇得出完全濕透，所以最後選擇咗一條紅色嘅連身裙。

圖片：截圖自thequeenandthecrown.com

而《Crown》第四季其中一個最重要嘅場口就係Emma Corrin飾演嘅戴安娜王妃大婚，現實中嘅戴安娜王妃當時身穿設計師David Emanuel設計嘅婚紗，但劇組就冇照抄，而係基於現實中嘅風格及神粹，用三個裁縫用咗4個星期整咗一條全新嘅出黎。線上博物館中亦有各個部份嘅細節特寫。

圖片：截圖自thequeenandthecrown.com

如果想睇埋其他戲服，就可以去thequeenandthecrown.com 慢慢欣賞。