雖然香港未有上映日期，但2014年3D動畫電影《STAND BY ME 哆啦A夢》嘅續集《STAND BY ME 哆啦A夢 2》已經於日本上映，當然相應嘅宣傳亦都已經見街，但其中一個本身好冧嘅報紙廣告，就因為一個署名而惹起爭議。

今日の読売新聞のSTAND BY MEドラえもん2の広告にそれぞれのび太くんとしずかちゃんのメッセージが載ってるページがあるんだけど、それを透かして見ると2人がしっかり手を繋いでるんだよね。こういうの好きだな pic.twitter.com/08vpr97b5n

— えさか (@11kagennisiyo) November 20, 2020

圖片：読売新聞社広告局

《STAND BY ME 哆啦A夢 2》係講大雄同靜香結婚嘅故事，而呢個一式兩份嘅報紙廣告，其實就係大雄及靜香對於結婚嘅心聲，咁大雄都係話成績差、唔大隻、覺得自配唔上靜香仲叫佢搵過第二個結婚 (容許我吐糟一下：冇_用！)；而靜香就好溫柔咁話雖然你成績差、唔大隻但就係夠善良。如果你將份報紙背光睇嘅話，鄒可以見到佢兩個手拖手，哆啦A夢喺側邊守望嘅場景。

不過以上都唔係惹起爭議嘅原因。真正嘅原因係在於兩篇文嘅署名：大雄嗰篇呢，就咁寫「大雄 (のび太)」，而靜香嗰個呢，署名就冠咗夫姓，係「野比靜香 (野比しずか)」——你搵到個爭議點冇？

「靜香為大雄著想，但大雄就淨係顧住自己，睇黎靜香都係要照顧大雄一世，令人覺得非常悲哀。就好似睇緊活祭品一樣。」

ドラえもんの映画の広告かなりキツいんだが…
しずかちゃんはのび太のことを語ってるのに対してのび太はどこまでも自分自分じゃん。
これからしずかちゃんはのび太のケア役として生きていくのか…って考えると可哀想で辛い。生け贄を見てる気分になる。 https://t.co/Zs9PWNhy4w

— ほし (@niiiiii19591254) November 21, 2020

卻說日本法例本身就要已婚夫婦要用同一個姓，通常黎講就會係女方改用男方嘅姓氏，但近年民間就一直有聲音，希望可以修改法例，令女方喺結婚後都可以保持原有姓氏，亦已經有政府部門容許已婚女性員工於執行公務時用返舊姓——簡單啲黎講背後就係性別平等嘅問題。但大雄及靜香署名上嘅差別待遇，就令到支持「夫婦別姓」嘅日本網民非常反感。亦有人認為大雄太廢，靜香嫁咗去之後就要照顧大雄一世，覺得非常淒涼。