聽到下面呢首歌唔知你有咩感覺呢? 講得好啱? 得淡笑?

「有賊便有警察在穿插，未來全是鐵石做那心腸

要維護公正只好要用盔甲，未來警察今天要出發

未來警察為人民護法。」

確實《機動警察》呢首主題曲以前聽同而家聽真係可以有好唔同嘅領受，但係呢套動畫確實係正的，而入面嘅機體相信亦係唔少人嘅至愛，特別係主角嘅白色機體Ingram。不過唔好唔記得仲有一部黑色嘅機動警察機體(簡稱....) - 鷹頭獅。

而香港玩具品牌threezero繼之前推出嘅Ingram 1、2、3號機之後，近日再公開已經邀請到機械設計師出淵裕監修最新作品Labor「TYPE-J9 鷹頭獅」。

TYPE-J9 鷹頭獅係由 SEJ 土浦研究所以「最強 Labor」為目標極機密開發嘅實驗戰鬥用 Labor。其外觀最大嘅特色就係全身黑色、頭部有兩隻角。由於當時開發時不計成本，呢部機體投入極大資源進行開發，因此擁有最優異力量、運動性等，比Ingram嘅一般機體要好得多，同時背部有「飛行組件」以及潛航用嘅「水中組件」。