次世代遊戲主機暫時都係PlayStation 5同Xbox Series X／S之爭，兩個陣型各有其強大功能同遊戲列陣，講入手難度可能PS5缺貨程度較高，不過如果睇兼容性，Xbox方面大勝一仗， Xbox Series S除左可以完整向下兼容所有舊Xbox 遊戲外，有外國玩家居然成功係Xbox Series S跨平台成功玩到 PS2 遊戲，Sony都無可能做得到，如果大家當年有好多PS2遊戲想得閒玩下，買 Xbox Series S。

話說外國 YouTube 頻道 Modern Vintage Gamer，最近係 Xbox 新機的開發人員模式下實測執行 PS2 遊戲，經典大作諸如God of War、Metal Gear Solid 2、Silent Hill 2、Gran Turismo 4等作品，結果不單止可以成功係 XSS 主機上開玩，運作仲十分順暢。當然如果就咁買部機返來唔可以直接玩到，實測主要透過 XSX 和 XSS 的開發者模式，在主機上要先安裝模擬器 RetroArch，並運用當中的 PS2 遊戲模擬軟體 PCSX2 技術，唔需要改機咩都唔駛做簡單就能成功執行，呈現 PS2 遊戲和畫質原貌。

不過最大難度係要比錢，想係XSX 或 XSS 主機安裝 RetroArch首先盛惠19美金註冊成為微軟開發人員，如果你通過呢個最大心理難關，就可以係Xbox 上的微軟 Microsoft Store，下載安裝「啟用開發人員模式」（Dev Mode Activation）程式，之後再透過網路瀏覽器將 RetroArch 通用 Windows 應用程式（UWA）安裝到主機上。

此外，仲有限制UWA 版 RetroArch 只能玩到檔案容量小於 2 GB 的遊戲，當然網上有其他更強大的開發人員利用 Microsoft Store 的漏洞，以其他方法跳過開發人員註冊步驟，將 RetroArch 安裝到 XSX 或 XSS 主機，仲可不受 2 GB 容量限制。但咁玩法就同上面唔同，上面提到方式係完全合法合情合理。但利用Microsoft Store 的漏洞方式則對微軟來講係違規行為，玩家有風險，微軟一但針對漏洞採取因應措施就唔值得為PS2遊戲而被封！

另一邊，PS5身上只能向下兼容 PS4 超過 4,000 款遊戲，再之前幾代的主機遊戲則由於架構不同而難以支援，唔少資深玩家對此都有少少收微言。如果大家想玩PS2遊戲，睇來Xbox Series S係你選擇。