{ SKIP }
文:MenClub 波特先生  圖:互聯網
POSTED ON 03 Dec 2020

「格鬥狂人」徐曉冬近年不斷在中國進行打假挑戰,成功挑落唔少自稱大師嘅「武林高手」,可惜其行為太高調而被中國貶為二等公民。不過,就算係咁徐曉冬繼續唔識死,近日又再與「武林高手」對決,結果亦令人意外。

徐曉冬今次迎戰嘅係武氏太極第6代傳人 - 自稱為實戰派太極高手嘅陳勇。雙方近日於深圳在擂台上相見,正以為實戰派太極應該可以有啲睇頭,點鬼知結果卻出人意見....只係12秒,徐曉冬就再次獲勝。

比賽一開始,徐曉冬只係輕拳作出試探,而對方陳勇則先以防守迎戰,並嘗試用腳踢向徐。不過徐又點會怕呢啲踢腳,佢先以一個低掃令陳失去平衡,隨後立即以一記左拳擊中陳嘅頭面部。陳中拳後完全失去控制向後退,並一直按著面部,裁判見狀立即阻止徐作進一步攻擊。

等陳勇休息左大慨1分鐘左右,狀態仍然未能回復,最終決定投降....就係咁徐曉冬只係以一記簡單左拳就擊敗左呢位實戰派太極大師....

對於呢次結果,徐曉冬亦指完全沒有諗過,當時擊中陳勇後,後者一直按著面部完全無諗住繼續打,完全令徐自己及裁判都呆了,最終真係汗都無出過滴就輕鬆取勝。最後,徐亦表示今次對決係陳勇要求的,佢只係接受挑戰。

真係面就人地比,架就自己丟....實戰派...真係笑死人。

昨日(21日)國際奧林匹克委員會(IOC)主席巴赫(Thomas Bach)接受日媒《共同社》訪問,對於受疫病影響而延期一年嘅東京奧運表示,「目前無任何理由相信7月唔會開幕,所以唔會有PLAN B」,否定京奧會取消或延期可 ...
sports
【奧運】日本否定《泰晤士報》有關傳聞 堅持如期舉辦奧運
22 Jan 2021
大拿拿放棄一個星期28萬鎊呀....
sports
【早走早著】奧斯爾離阿仙奴人工三級跌
19 Jan 2021