雖然近年K Pop當道，但J Pop每年都依然有好多好歌、好歌手，而如果大家想更好地了解呢班歌手嘅實力，就要去睇下呢個叫「The First Take」嘅Youtube Channel啦！

「The First Take」其實係日本Sony旗下嘅音樂頻道，賣點好簡單，就係搵黎J Pop歌手以一鏡到底、現場錄音嘅方式演唱自己曲目，有時甚至連樂器都係現場錄制，基本上就係一個現場表演。頻道成立一年左右，曾經搵過LiSA、男子組合Dish//、主唱今年J Pop神曲「向夜晚奔去」嘅YOASOBI等黎表演，其中LiSA嘅《紅蓮華》 (《鬼滅之刃》OP) 更加有超過9000萬Views！

而頻道嘅男一個賣點就係「超高質」，唔係講緊啲歌手唱得超高質，而係佢啲片超高質，每一條片都有支援最高4K播放。咁開到咁清當然唔係為畫面，而係為咗超高清嘅聲啦！