Elon Musk就算唔出門，單網絡上一句回覆就足以成為話題，近日佢Twitter回覆認同係火星上人類的經濟活動係靠數碼加密貨幣運行。而佢對於火星發展已經有哂藍圖，無論貨幣、政制、法律都有火星方法。經濟就靠多吉幣或比特幣等的虛擬貨幣，政制則不承認任何地球中國家，以「先到先得」形式獲得火星土地權。火星上實行公民自決，即火星人治火星高度自治。期望可以係2050年前係火星建立一個永久定居的地方，預計初期移民容納100萬公民，建立火星國。

Elon Musk的建國大業實際上正處於啟蒙時期，係佢的時間表內SpaceX可以預計2026年前將人類送上火星。而關於火星藍圖則係佢係訪問中親自提到，人類係火星上用咩野政制，跟邊套經濟模式自然言之倘早，但信服於加密貨幣則係近期Elon Musk多次提及，除左剛回覆同意火星上應用比特幣，加上上星期科技狂人係自己twitter個人簡介上加上「前多吉幣CEO」的稱謂，配合發表簡短推文「1個字：多吉幣(Dogecoin)」，馬上帶動數碼貨幣Dogecoin國際市場價格狂升35%。

One word: Doge

— Elon Musk (@elonmusk) December 20, 2020

It’s inevitable pic.twitter.com/eBKnQm6QyF

— Elon Musk (@elonmusk) July 18, 2020

而除左佢提到上述100萬人殖民火星外，之前有人就發現SpaceX旗下Starlink公司當中的消費者服務條款居然有暗彩蛋，SpaceX係條款中列明「係火星或其他太空殖民飛行船中，SpaceX將唔會承認任何基於地球政府的權力」，意味著SpaceX係火星不打算受到地球國家之間國際法監管。條款亦表明人類係火星人的爭端將通過自治原則解決。相信呢個已經可以整合出Elon Musk的火星社會制度觀點。

火星可唔可以未來建國真係唔知，但留意住Elon Musk Twitter買入佢撐的概念投資可以大賺一筆就好多人都知，所以好多人都跟住佢搵食，繼Dogecoin之後，下一個被Elon Musk炒起的概念大家自己要跟足劇情發展啦！