90年代風蘼一時嘅Game Boy，大家就算無擁有過都有玩過，但你哋又有無聽過「Work Boy」？外國有位專門研究遊戲歷史嘅YouTuber Liam Robertson，就搵到一個被遺忘接近30年嘅Game Boy配件「Work Boy」。

Liam Robertson將尋找「Work Boy」身世嘅經過。

用家只要插入專用卡帶，再拎條「對打線」將鍵盤連住Game Boy，就會出現12個常見日常文書處理功能，包括行程表、日歷、時鐘、通訊錄同計算機等等。用今時今日標準睇絕對會覺得微不足道，但喺90年代初嚟講絕對係「高科技」產品。

可惜準備要生產「Work Boy」嗰陣，日本一間芯片製造廠發生大爆炸影響原材料供應，導致定價上升。Game Boy又咁啱降價，造成「妹仔大過主人婆」，配件仲貴過部機，所以無緣推出市面。如果當時能夠面世，應該會為游戲機界帶嚟新啟示。同時各位比阿媽鬧玩Game Boy個陣就可以大條道理話自己唔係打機，係做緊「正經野」。