SpaceX網絡Starlink今年將會全線試行，昨日剛剛本年度第一批Starlink 衛星發射成功，如今係軌道中星鏈衛星數量已突破一千粒，預計將可以短期內擴大Better than Nothing Beta 測試範圍，除左原本美國北部，即將會擴展到加拿大同英國，如果大家打算過英國或者加拿大又住到「老蓮咁遠」就啱曬，星鏈好適合你用！

過去我地使用的衛星訊號一般用傳統大型衛星，有十五年以上嘅使用壽命，大型衛星軌道位於距離地球大約35800公里嘅地球靜止軌道「即赤道正上方」，只需要幾粒大型衛星訊號就可以覆蓋地球大部分區域。不過呢種衛星有個高度方面的缺點，訊號傳送往返要花費更多時間（約 550 毫秒），如果想追求低延遲值嘅高速網絡衛星，就要使用最新低軌道衛星群先可以做得到，而Starlink正正係使用呢種低軌道小型衛星。SpaceX 的星鏈佈局係將數千粒體積較細壽命較短（約只能用五年！）嘅小型衛星 大量部署喺距離地面約550公里嘅近地軌道，因此信號傳送距離大幅縮短， 完全解決訊號延遲問題。 加上SpaceX不停更新同淘汰升級新衛星去改善服務，例如正改變同更新新一代衛星訊號可以跳過地面基站真接以雷射光係空中互相傳輸訊號，為無法建構大型地面基站的區域例如海洋中提供衛星網絡服務。

近期 SpaceX 即將展開 Starlink 衛星的 Better than Nothing Beta 版本測試，已取得英國通訊管理局 Ofcom 的批准將會首度係英國測試，同時都同加拿大 FSET 合作，使安大略省 Pikangikum First Nation 農村社區（人口不足 3,000 人，約 400～500 戶家庭）成為加拿大第一個接受 Starlink 服務嘅社區。最後， Starlink 網路服務的收費價格暫時未有最終定案，但馬斯克估計 Starlink 服務每年可帶來 300 億美元營運收益。