變形合體機械人相信係唔少70、80、90後男士嘅共同回憶，想當年嘅獅人鳳、熱血最強、元氣爆發、勇者王GaoGaiGar、勇者傳說、黃金勇者等等，每一套都令人熱血沸騰，及一定會想追晒佢。而近日一個以變形合體機械人為主嘅展覽，從日本移師至台灣，唔知嚟緊會唔會去香港呢?

今次呢個變形合體機械人展「THE 合體展 in 台灣」，將展出包含「MODEROID」、「THE合體」系列為首嘅一眾變形合體機器人模型，同時亦有超合金可動模型「HAGANE WORKS」系列，每一個系列嘅模型都有夠正的。

相信作為真香港人嘅你，見到台灣有已經流晒口水，但奈何如今好難飛去台灣，但係大會卻好貼心咁喺網站上面製作咗展場嘅所有作品，你只要一步一步好似Google Map咁沿路Click，你就可以睇晒所有展品及其資料啦。

網站: https://mechasmile.com/the_gattai_exhibition_tw/