{ SKIP }
文:MenClub 摯樂  圖:互聯網
POSTED ON 07 Feb 2021
【食物革命】日本研發「大豆米」替代白米主打健康高蛋白質低卡路里

都市人食「白飯」都驚高升糖怕澱粉質,於是又要食糙米又要用低升糖電飯煲。日本就有間豆品公司成功開發出一種純大豆替代「白米」,大豆米外型同一般日式壽司米無分別,有米飯的甘甜同咀嚼口感,仲會有豆香同白米一樣的飽足感。將可能係注重健康人士的新貴,開發的日本大豆米商已成立一間叫Beanus的公司,今年內如無意外就可以推出市場,唔敢食太多白米的健康人士係時候轉會試「大豆米」。


市場上以以大豆作原材料的食物相當多,豆漿、豆腐、味噌、豉油和日式納豆都係其中之一,大豆擁有豐富植物蛋白質,係近年相當流行的素肉主要原料。最近日本就有一間豆品公司 Fujicco 宣布成功開發出一種替代白米的「大豆米」。Fujicco 刻意將大豆米的外形做到同一般白米無異,大豆米與白米的最大差異,係大豆米含有豐富蛋白質、低碳水化合物(營養成份同白米相反),但仍有米飯的飽足感。根據官方網站列出的大豆米營養資料,每 150g 大豆米的熱量只有 173kcal,蛋白質為 24.6g,碳水化合物為 13.8g,糖分和膳食纖維分別為 8.4g 和 5.4g。


Fujicco 認為大豆米的特性會吸引非常關注健康的都市人尤其都市病患者,Fujicco  1 月底曾經係日本推出眾籌,讓外界初嘗大豆米的滋味,當時有不少人「科水」支持,參與眾籌的人會獲得 5 款以大豆米製作的冷凍食物,包括黑芝麻和醃梅腐皮壽司、2 款泰式炒飯和原味大豆白飯。早前的眾籌成功引發 Fujicco直接為大豆米註冊新品牌 Beanus,並且有意於今年內將大豆米推出市場。唔知大家認為呢個新概念有無機會改變白米市場的未來?會係一個另類產品定有機會成為新世代主流食物?



由河本焰擔任原作、尚村透作畫嘅賭博題材漫畫《狂賭之淵》,繼改編成電視動畫、真人版日劇及電影後,如今Netflix亦宣布推出美劇版本《Bet》。唔知呢套漫改真人版會好似《ONE PIECE》咁成功,定還是好似《星際牛仔》 ...
hobby
【影視】《狂賭之淵》美劇版《Bet》預告出爐 5月15日正式播出
22 Apr 2025
自從Andrew Garfield於《Spider-Man: No Way Home》短暫回歸後,唔少影迷都希望佢能夠繼續扮演蜘蛛俠,甚至有人發起「#MakeTASM3」運動,呼籲片商補完《The Amazing Spider-Man》系列第3集。對此,Andrew Garfield日 ...
hobby
【影視】Andrew Garfield願意再演蜘蛛俠 前提是角色要夠怪夠特別
22 Apr 2025