英國有間養羊農場原本做開觀光客生意，由於疫情英國封城後生意大受打擊，但農場主人因此意外開玩笑係自家網站推出（Call a Goat）山羊視像會議服務，收費每次5鎊放山羊入去客人指定Zoom視像會議出席五分鐘。推出後居然大收旺場收到全球的爆滿訂單，農場嘅羊每日忙著「亂入」Zoom開會，一日最多可以出席一百場Zoom會議，為Cronkshaw Fold Farm帶來可觀收入，證明識變通有創意，其實全世界都一樣唔怕搵唔到食！

呢間位於英國西北部蘭開夏郡（Lancashire）的農場Cronkshaw Fold Farm原本做開接待家庭觀光客，出租場地畀人結婚的傳統小農莊生意。疫情令農場無客人經營困難，不過成功意外轉營轉危為機，利用農場最大資源山羊推出山羊Zoom開會亂入服務，打出一條新財路！全新生意叫做「叫山羊」（Call a Goat），具體而言，用家只要花 5 英鎊，就可以得到一隻農場的山羊係指定Zoom視像會議露面 5 分鐘，為與會者帶來驚喜同新鮮感，好多客人都係畀錢偷偷放隻羊入公司會議，以老闆唔覺作為目標玩意。

在 Instagram 查看這則帖子

Cronkshaw Fold farm（@cronkshawfold）分享的帖子

一開始呢項生意只係農場主麥卡菲（Dot McCarthy）同員工艾瑪（Emma）開玩笑玩下，兩人一本正經係農場網站刊出服務的消息，以員工艾瑪的 email 作為預定服務連結。意料之外係呢個玩笑上網一日後，艾瑪電郵馬上被來自全球各地的預約塞爆。「當我訓醒一打開電話，手機入面全部都係艾瑪的未接來電，」麥卡菲回憶：「艾瑪的 email 塞爆，無法跟到訂單的速度同數量。」

自此之後 Cronkshaw Fold Farm的山羊每日工作就係對住鏡頭微笑出席Zoom會議成為名副其實的「大忙羊」，山羊們曾經係美國、俄羅斯、中國、澳洲、加拿大等不同國家的視像會議上出沒，甚至曾參加 Facebook、英國NHS員工的官方會議。最忙碌時一度試過一日內，總共係 100 個不同的視像會議露面的紀錄。農民主人麥卡菲表示，通常只要山羊一出現係視像會議，就會讓與會的人笑到歇斯底里，「因為大家會想辦法將一隻山羊偷渡進入公司Zoom會議，同時令老闆渾然不覺。」

2021 年，農場進一步推出「山羊傳訊」（Goat With a Note）服務，只要花 10 英鎊，農場員工就會將指定的訊息以山羊可食用的墨水，寫係可食用的紙上。指定會議上，山羊會進入視像會議室，代替你公布訊息，當在場開會人士睇完山羊文字報告的訊息後，山羊就會開口開始食，最終表演食左同「銷毀」訊息。農場主人至今都唔知點解呢項生意會大受歡迎，麥卡菲自言「這真的太瘋狂了……現在人們只想某個超現實的東西，好讓他們能忘記眼前的所有事。」有創意我鐘意從來都係世界的運作模式，當好其他農場抄襲開始推出同樣的服務，自然就會玩爛，然後就唔會有人再「科水」畀錢！