史上最強勁的遊戲非GTA系列莫屬？GTA 5超級吸金，據Take-Two Interactive 最新財務報告顯示Grand Theft Auto V即GTA5自 2013 年推出至今，全世界已經賣出超過 1 億 4,000 萬套，係公司最主要收入。隨著網上模式《GTA Online》成功將成套作品由單機遊戲延伸到可以持續發展的連線模式，如今依然穩定銷售，GTA 5遊戲發售即將滿 7 年，跨越 3 個主機世代，依然兼具人氣，可謂遊戲中的神級巨作！

 Take-Two Interactive 2月 8 日公開的最新財政報告顯示，Grand Theft Auto V自 2013 年推出至今，全世界已經賣出超過 1 億 4,000 萬套。同時，《GTA5》係 2020 年的全年度銷售量，僅遜於 2013 年上市初期成績，就連線上遊戲模式亦大勝過去幾年成績；本季度收入相較去年同期成長 28％，可見銷售火力強勁，熱潮不減當年。按照數據預測，《GTA 5》開賣後六年依然可以再創新高峰，相信 2021 下半年係 PS5、Xbox Series X|S 兩台主機又再推出，肯定食埋最後一水再創出一波銷售量。

當然，同樣係大賺的仲有類似作品Red Dead Redemption 2，自 2018 年發售至今銷售量突破 3,600 萬套。除了作品本身內容強悍，網上遊戲模式亦是關鍵之一。再數落去就係《NBA 2K21》賣出 800 萬套，《Borderlands 3》賣出 1,200 萬套。點睇都同《GTA 5》完全唔同級數。