上年9月Elon Musk喺Tesla股東大會上表示過，將會喺三年之內製造平民版Tesla電動車，比Model 3（$35,000美金）平多一節，只售$25,000美元（約19.4萬港幣）。雖然當時Tesla正不斷改良電池同製作技術，期望可以將售價壓得更低，但外界對於佢話可以整到部賣$25,000美金嘅車就唔多睇好。近日Tesla中國總裁接受訪問嗰陣，好似間接透露咗一啲消息，呢部$25,000美金嘅電動車好有可能係100%中國設計及製造，並且將銷售至全球。

近日Tesla中國總裁朱曉彤接受新華社訪問，大談Tesla中國未來大計。朱總裁表示，現時上海臨港Tesla工廠，設有全球首個美國本土之外嘅Tesla研發中心，入面才濟濟，匯聚設計、研發及測試多項領域專家，有超多20間以上專業實驗室，提供優良條件畀各位工程師朝向終極目標努力。

想直接聽研發中心重點可以跳去2:40

記者追問下，朱總裁解釋所謂嘅「終極目標」，就係希望未來可以設計一款100%中國原創及研發生產嘅Tesla電動車銷售到全球，並話今年之內應該可以實現。唔通呢部就係上年Elon Musk所講嘅$25,000美金Tesla？大家又有冇興趣買？