{ SKIP }
文:MenClub 摯樂  圖:互聯網
POSTED ON 22 Feb 2021
【未來房屋】美國SQ4D首批3D打印屋正式通過許可完工開售保住50年不變

美國第一間劃時代3D打印技術列印的房屋獲得美國房屋許可及入住證書,正式係市場上出售,打印屋位於美國紐約足1407尺三房賣價只係30萬美元,足足比當地同等大細屋平一半。屋仔用全新開發一種叫ARCS自主機械人施工系統,係現場直接自動建立,48小時建成完成打樁、建牆,環保混凝土等等所有建築房居的結構建築都可以一機通行,而且建築物強度同耐用性可達世界級水準,新建房屋保用50年,絕對比傳統用木材建屋優勝,當然好多人完全唔驚訝,仲話「未來人」一早就預言左世界建築會行3D打印,屋係未來會變得好便宜,不過未來人肯定唔係住係香港,香港的新樓剛又破紀錄登上全亞洲最貴分層呎價樓王寶座。

美國呢間打印屋由專營建築項目的SQ4D公司主導,大家日後可以留意呢間公司,如果佢有上市的話可入返多少。SQ4D第一棟完全3D打印屋已經開始係網上作正式銷售,目前價格將近30萬美元,以當地的售價來對比,足足係同尺數新屋50%折扣!整間房屋設計非常之美國風格,有齊前院與門廊,採用環保混凝土的設計,比美國常見的木材建屋更耐用穩固,不過相信要試真強度就要接受美國龍卷風大考驗,通過先知道同一般房屋比較會唔會更有穩陣優勢?


單從外牆可以睇到打印屋非常之有列印的層次感,滿滿的3D列印品味大家鐘唔鐘意就見仁見智。根據SQ4D的宣傳口號係「改變世界的建築方式」,目前該公司仲打算推廣唔同地方都興建打印屋。由紐約到加州都有不同的建築個案,如果順利開賣後入住試試長期如宣傳般好住,效果良好的話,未來大有所為應該可以解決好多國家的住房問題但唔包括有土地問題而非建築問題的香港。


如果你都想加入搶購打印屋,不妨去落標,不過好人好姐點解要移民買美國樓呢?

https://www.zillow.com/homes/34-Millbrook-Ln-Riverhead,-NY,-11901_rb/2075583035_zpid/?



今次真係上映啦掛!!
hobby
【終於】《新・福音戰士劇場版:||》宣佈3月8日正式上映!
28 Feb 2021
著名動畫《反斗奇兵》入面嘅「薯蛋頭先生」(Mr. Potato Head)搞笑形象深受觀眾歡迎,亦係唔少人嘅童年回憶。近日有美國玩具商宣布,為促進性別平等,未來唔再分薯蛋頭「先生」或「太太」,一律叫做「薯蛋頭」(Pot ...
hobby
【政治正確?】美國玩具商宣布「薯蛋頭」不再分「先生」或「太太」
26 Feb 2021