{ SKIP }
文:MenClub 摯樂  圖:MenClub
POSTED ON 22 Feb 2021
【鳳凰涅槃】影音店火災全店燒焦唯獨PS5燒完仲可以開機玩到

新年期間香港鴨寮街一間專賣電視影音的音響店HIFI CLUB不幸發生火警,店內音響付諸一炬,好彩人無事,店東積極樂觀面對係佢低潮中發現一件驚奇奇蹟,店內其中一部PS5遊戲機燒到焦黑一片,但接上電源後居然仲成功啟動,仲可以繼續打機,相信呢部咁強勁的生還者同HIFI CLUB影音店一樣,野火燒不盡:春風吹又生,祝損失過百部電視同無數音響器材的HIFI CLUB重新鳳凰展翅同PS5一樣堅毅!PS5堅料、HIFI CLUB振作!


就係年初三赤口之日,深水埗發生火警。鴨寮街地下一間影音舖突然有大量濃煙冒出,樓上唐樓多個單位被煙掩蓋。當時消防接報趕至後派出一隊煙帽隊,撬開鐵閘後開動一條喉灌救。火警中,電器舖招牌熏黑,店內大量部電視焚毀,一批貨物被抬出店外暫放,據悉事件中無人受傷。店主強忍悲痛回店收拾損失慘重,好彩的是人無事。正所謂人無事先做到世界冠軍,佢鋪頭部PS5肯定就係其中一部世界冠軍,成功得到火焰認證,火焰PS5表面受火災洗禮熏黑,插上電源成功通電仲居然著到機連接到上一次的紀錄,完美存活。


好多人話PS5有保養可以退回SONY維修,但我就認為呢部係價值連城嘅火之洗禮,絕對係一部珍藏,保留火焰之驅才是全球最獨特的PS5,不幸中之大幸,唔係個個都想有呢種榮幸,但HIFI CLUB的未來將會有火焰PS5見證歷史,香港人唔會咁易受烈火消磨,好快又浴火重生。

#感謝HIFI CLUB老闆提供照片

繼《超級瑪利歐兄弟大電影》大獲成功及《薩爾達傳說》真人版電影計劃公開後,任天堂並無打算停低腳步,正準備將更多經典角色搬上大銀幕! 據外媒《IGN》報導,任天堂同環球影業最近為一部名為《Untitled Do ...
hobby
【影視】大金剛有望登陸大銀幕擔正主角?任天堂與環球影業註冊《Donkey Kong》電影項目
15 Jul 2025
《龍珠》嘅歷史悠久,代表相關嘅衍生作品,例如遊戲亦非常多。如果你一個Fans,或者會覺得要同時追N隻Game有啲麻煩,但有好多隻Game就同時亦代表有好多「週年紀念」及相關官方活動。好似近日《龍珠》嘅官方X繼今年2 ...
hobby
【動漫】龍珠手遊7週年 官方X抽悟空及菲利衣裝
15 Jul 2025