{ SKIP }
文:MenClub 艾力克  
POSTED ON 23 Feb 2021

最近Spotify喺網上活動Stream On宣布,將會今年內推出Hi-Fi 無損音質串流服務「Spotify HiFi」,令用戶可以體驗更高音質嘅音樂,不過暫時未有透露價格如何,亦無提到係CD規格嘅16bit/44.1kHz無損,定係24bit/96kHz或更高。

其實早喺2017年,Spotify已經喺外國搵一小部份用戶測試「Spotify HiFi」服務,當時被抽中測試嘅幸運兒,只要每個月畀多5-10蚊美金,就可以升級HIFI服務。事隔將近4年,Spotify今次終於正式推出該服務。

現時市面上都有唔少串流音樂平台提供無損音質串流服務,外國有Deezer、Amazon Music、Tidal,前兩者月費分別為14.99美金,而Tidal就要19.99美金(其實有個取巧方法可以平啲,就係用vpn轉區去土耳其買,只要大約$20港幣一個月就得,但我相信MenClub讀者唔使咁做,食餐好少少都無咗啦!)。

如果大家聽中文歌比較多又想聽無損,上面講個三隻Apps都可能唔啱你,一嚟佢哋中文歌唔夠多,二嚟為佢哋就算有中文歌,歌名好大機會都係用中文拼音,例如「追-張國榮」喺Tidal上顯示係「Zhui-Leslie Cheung」真係搵歌搵到頭都大埋。咁就可以考慮下幾個華語無損音樂串流平台,例如KKBOX HIFI(暫時只有台灣版)或者Moov。不過依家Spotify話推出無損音樂,一向有唔算多又唔算少中文歌嘅Spotify,可能畀到想聽無損中文歌嘅用家多個選擇。

資料來源:The Verge
今次真係上映啦掛!!
hobby
【終於】《新・福音戰士劇場版:||》宣佈3月8日正式上映!
28 Feb 2021
著名動畫《反斗奇兵》入面嘅「薯蛋頭先生」(Mr. Potato Head)搞笑形象深受觀眾歡迎,亦係唔少人嘅童年回憶。近日有美國玩具商宣布,為促進性別平等,未來唔再分薯蛋頭「先生」或「太太」,一律叫做「薯蛋頭」(Pot ...
hobby
【政治正確?】美國玩具商宣布「薯蛋頭」不再分「先生」或「太太」
26 Feb 2021