成日都話香港濕凍世界第一，但出街總會見到有人10度以下仲著住件短T周街行，原來佢地可能唔係扮勁，而係基因突變！ 近日有外國研究發現，因為史前基因突變，現時全球約有20%人肌肉體內缺乏某種蛋白質（α-aktinin-3），令到佢哋擁有較強嘅抗寒能力。

（圖片截至：IMDB）

根據刊登於《American Journal of Human Genetics》嘅論文，該研究團隊做咗個實驗，搵嚟42位18至40歲男士，要求佢哋坐喺凍水（14°C ）入面，同時測量佢哋體溫同肌肉電活動。另外又採集埋佢哋肌肉樣本，研究當中蛋白質含量同肌肉纖維類型組成。

（圖片截至：IMDB）

結果發現缺乏α-aktinin-3蛋白質嘅人，骨骼肌入面含有較高比例嘅慢縮肌（slow twitch muscle），當浸凍水嗰陣啲肌肉會用更有效嘅方式保持體溫。相反，有α-aktinin-3蛋白質嘅人，浸凍水嗰陣快縮肌活躍程度會增加，出現明顯嘅「打冷震」。

早期人類大遷徙，指人類祖先從非洲遷徙到更內陸地方居住。

至於點解有人會缺乏α-aktinin-3蛋白質？研究團體推測，由於史前人類從非洲遷徙到較凍嘅中歐及北歐，從而產生基因突變所致。不過佢哋亦提到，雖然缺乏α-aktinin-3蛋白質比較耐寒，但同時更容易癡肥或患上二型糖尿病、心臟病等。