疫情影響經濟，令唔少公司、鋪頭都面臨經營危機，而喺日本，遊戲機中心似乎就係其中最受影響嘅一群，繼秋葉原地標之一「SEGA 2號館」及電氣街口斜對面嘅「ツクモ秋葉原駅前店」於去年相繼結業，最新就有位於新宿西口嘅Taito Station宣佈於3月21日後結業。

Taito Station新宿西口店日前於Twitter上宣佈，會於3月21日後結束營業。帖文中冇講到結業原因，但就多謝歷年來支持佢哋嘅客人。

Taitoy Station新宿西口店位於新宿站西口、中央通嘅兩個街口外，地點非常方便。附近餐廳林立之餘，亦有Yodobashi Camera、東京都廳展望台等旅客熱點，所以即使店面不大，但有去過新宿嘅人都有非常大機率會經過，亦係當地民眾嘅集地回憶地之一。

圖片：タイトーステーション 新宿西口店 on Facebook

除咗疫情影響之外，家用機及PC遊戲取代街機亦係遊戲機中心無法經營嘅原因之一。日本網民對於Taito Station新宿西口店嘅記憶好多時亦係來自「細個嗰陣」同「以前」，某程度亦反映出遊戲機中心嘅困境。