日本Fast Fasion品牌GU早前宣佈，將與日系時尚代表品牌Mihara Yasuhiro合作，推出聯乘企劃，屆時將會與日本同步推出。

潮牌Mihara Yasuhiro係由日本設計師三原康裕於1996年成立，係一個唔單止喺日本受歡迎嘅日本品牌。今次GU同佢哋合作，推出嘅商品又點會咁簡單。

今次合作企劃理念為「Good Inspiration」，三原康裕希望可以透過呢個企劃為眾人帶嚟正能量，因為當時有呢個企劃嘅念頭係2020年夏天，亦都係疫情最嚴重嘅時候，全球氣氛非常低迷，甚至充滿無力感，而佢回想起當日仍然係學生時期嘅自己，透過創作去克服困難，亦正係今日應該要行嘅路。

值得留意嘅合作商品包括：Chef Pants、Chef Jacket及機能性登山外套等，當然點少得Mihara Yasuhiro標誌性嘅休閒鞋款，希望藉此為大家帶嚟新景象。