疫情之下唔知仲有幾多人懷念「唱K」呢種又高危又OLD SCHOOL的活動，日本人就肯定比大家更愛唱K，日本Audio-Technica聯同奈良醫科大學合作研究發現旗下2008年尾推出的卡拉OK咪清潔裝置“ AT-MC7”有效殺除新型冠狀病毒，不過日本人又犯同一個邏輯錯誤，支咪保證無病毒但人除低口罩共處一房難道又可以唔播毒？唔緊要，入房唱K最重要首首歌清潔下支咪先，其他唱完再講！

AT-MC7係一部使用村田製作所的臭氧技術殺菌的產品，並與Audio-Technica專用咪充電器“ BC700 / 701”相連，用於清潔主要安置於卡拉OK店鋪使用的麥高風。今次研究的結果表明，用左呢個裝置可以有效防止麥高峰頭表面上的新冠狀病毒引起的接觸感染。當然呢個研究到底有幾有效而咪頭無事點樣可以證明人無事？你代入日式抗疫邏輯自然就會大徹大悟！Book房安心唱K啦！