經典古裝穿越劇《尋秦記》，相隔20年後原班人馬以電影版回歸，最近電影版首部預告片正式曝光。

預告片開頭嬴政（林峯）就對項少龍（古天樂）講「邊個唔信我，本王就殺邊個。」，點知項少龍就拎咗把手槍出嚟（人哋用劍你用槍咁茅？）。期後就見到烏廷芳（宣萱）、琴清（郭羨妮）、善柔（滕麗名）登場。項少龍就問嬴政「可唔可以放過我一家人？」，嬴政就回答「如今係你家鄉嘅人唔肯放過寡人！」兩人嘈咗幾句後，嬴政就拔劍刺指向項少龍話「所有恩怨從此了斷。」

唔單只你，其實連我都睇到一頭霧水。不過根據官方資料顯示，故事講述現代人Ken（新人物）因為一場多年前嘅冤獄，打算回到古代做皇帝，以彌補所失去嘅人生。身處於秦朝嘅項少龍一家人雖歸隱，但秦王一直都有留意著佢嘅動向。正當嬴政一統六國，以為平定天下之時，Ken嘅出現令佢只好搵師傅項少龍出山幫助。

電影細節位做得相當細心，連就項少龍招牌T-Shirt都有還原。

資料來源：Facebook@天下一電影