年幾無去日本，大家係唔係好掛念呢？正所謂盼我家鄉朋友都快樂，好快4月1日日本政府就有一個福音般改革規定商家寫價錢時要列明「含稅價總額」以後買野健康心舒暢！大家唔駛行街買野再開計數機計含稅幾錢，一開關相信好多人九秒九搶機票飛日本，一年不見離別你每天都覺慢長！

今次消息對喜去日本掃貨的大小朋友而言都係非常鼓舞，過去係日本無論你便利店買野定入餐廳吃飯都要係標價以外再計算一下消費稅，唔止遊客覺得煩，連自家日本國民都覺得計來計去煩死人！因此今次改革絕對係利民之策，不過對做生意商家來講短期內就有少少改革的缺點同額外工作要處理克服！而且好多早已印製例如書籍寫真舊貨物都可能有災難性影響無法再出售！！當然以遊客角度肯定係好處多過壞處！

日本全國上下的商家最近都忙於更新包裝或是製作新菜單，成因正正因為日本政府打算整頓「未稅價」與「含稅價」問題，規定從4月1日開始，所有商品都必需明確標記含稅價總額！以前寫「定價＋稅」，如今一定要寫明「含稅總額」講少少歷史，日本自1989年推行「消費稅」，任何購物由行街到網購都必須係定價以外多加上消費稅，不過部份商家會寫「含稅價」但部份又會出「未稅價」，所以一向大家都慣左自己計計計，總之而家日本消費方便得多啦！！問題只是幾時可以起行呀！