唔知點解近年好興翻拍經典卡通，無論係迪士尼嘅《阿拉丁》、《小飛象》，定抑或係日本嘅《比卡超》，覺得有商機就會翻拍真人版，而當年非常流行嘅《飛天小女警》亦唔例外，已落實翻拍真人版劇集。最近外媒就流出咗幾張片場照，見到三位主角著上經典連身裙好努力咁拍緊打鬥戲，不過網友們就好似唔多LIKE，紛紛表示「破壞童年！」、「件衫咩事？」、「拍緊成人動作片咋？」。

從照片可以睇到三位主角，Chloe Bennet（花花）、Dove Cameron（泡泡）、Yana Perrault（毛毛）著上經典戰服（即係個條裙）拍緊打鬥戲。其間仲對住鏡頭擺POSE、舉晒V字手勢任由記者影相。

可惜照片曝光後，外國網友們就唔多鍾意，認為套戰服非常簡陋，就好似中學生用廉價布料玩Cosplay咁，而且小女警造型同三位大人完全唔夾，睇落就好似拍緊成人動作片，完全係破壞童年。

Powerpuff girls looks lit pic.twitter.com/DgA8KxcpIC

— ???????????????????????????? ♑️ (@jasminerawrs) April 8, 2021

《飛天小女警》真人版劇集講述三位主角已經長大到20幾歲，後悔童年嗰陣忙住打擊罪惡，導致缺失童年生活而感到非常失意，不過由於危機再次降臨，三人重出江湖拯救世界。

資料來源：tmz