{ SKIP }
文:MenClub 艾力克  
POSTED ON 12 Apr 2021

近日動漫界最大新聞莫過於《進擊的巨人》完結,整個網絡充斥住各種結局解讀文章,粉絲們相繼爭論「神作」定「爛尾」等等。日本電視台TBS亦趁著「巨人」完結熱潮,於新聞節目「新・情報7daysニュースキャスタ」專程訪問講談社編輯「川窪慎太郎」。川窪先生於節目內分享15年前同「諫山創」嘅結識過程,並曝光當年《進擊的巨人》原稿。

(圖片截自:Youtube

川窪先生憶述,佢喺15年前加入講談社,頭一年做編輯嗰陣有一半時間都只係接下電話,咁啱有一日接到諫山老師嘅自薦來電。當時諫山創只係一個寂寂無名嘅設計學校學生,到處投稿尋求出版機會。

(圖片截自:Youtube

之後川窪先生就走入辦公室拎出《進擊的巨人》原稿,一邊向鏡頭展示,一邊就講笑咁話當年諫山老師真係畫得非常之求其同夠晒亂。話雖如此,當年川窪先生睇到原稿仍然覺得非常震撼,表示感受到諫山老師嚟自靈魂嘅吶喊,理解到諫山老師有幾想見到作品問世,所以向上司力薦《巨人》。

(圖片截自:Youtube

當記者問到最終話嗰陣,川窪先生表示諫山老師喺3月30日夜晚將原稿拎嚟編輯部,當時總編及所有編輯都一齊歡迎諫山老師,並同佢講「辛苦了!」。當時諫山老師就表示:「本來以為會喊或者湧現更多情感,點知攰到喊都無力,好開心終於可以畫出無可妥協嘅原稿。」

不過最終話推出後,唔少粉絲都不滿呢個「無可妥協」結局,更有海外粉絲發起聯署要求諫山老師重寫結局。唔知隨住呼聲越嚟越大,巨人會唔會好似EVA咁再出多個結局呢?

資料來源:新・情報7daysニュースキャスタ

隨住Netflix人氣劇集《Stranger Things 4》將於5月27日播出,日前官方就率先公開第一集首8分鐘片段!帶大家回到1979年,主角「Eleven」所在嘅實驗室... iframe width="560" height="315" src="https://www.yout ...
hobby
【影視】《Stranger Things》第四季公開首8分鐘片段!Eleven失控狂殺人?
23 May 2022
近日傳出一個令海內外電視劇迷震驚消息,話說亞視可一不可再巔峰劇作《我和殭屍有個約會》傳出翻拍會分電影版同翻拍電視版,其實重拍翻拍改篇都唔稀奇,奇在呢部1998年播出作品去到2022年居然想原班人馬重新翻拍新電 ...
hobby
【震驚海外】亞視巔峰作《我和殭屍有個約會》傳出原班人馬重新翻拍嚇親人
23 May 2022