雖然近排香港又突然轉涼，但相信好快又進入炎熱嘅季節，而過去一年因為疫情關係多左好多人鍾意行山，而炎熱嘅天氣之下一定要做足準備，保護雙足就更加係重點。

而作為著名美國戶外品牌TEVA，其山系涼鞋今年就推出全新Hurricane Verge系列，機能可以話全面提升。

今次呢款Hurricane Verge系列，與以往嘅都有唔少分別，好似今次涼鞋於腳背上加入交叉織帶，配上雙扣式設計，令成對鞋提供更多踲調節效能。新設計下，鞋身嘅貼合度大增，減少因走動而移位嘅情況。

另外，Hurricane Verge系列亦推廣環保概念，鞋身織帶使用100%回收再生嘅聚酯纖維所製成，透氣快乾，鞋底則採用堅固耐磨嘅橡膠大底，有住夠晒深嘅坑紋，有助排水之餘，同時提供足夠嘅抓地力。

嚟緊都無得去旅行住架啦，不如喺香港行多啲山，去多啲露營啦，而Hurricane Verge系列可能係你走出戶外嘅好選擇之一。