《超級機器人大戰》(下稱《機戰》) 相信係電子遊戲世界入面最長壽嘅其中一款Game，原來唔經唔覺《機戰》由1991年4月正式誕生下，黎到今日已經30周年。

《機戰》系列可以話係罕有能夠誇越多個年代及機種嘅Game，由最開始只係GameBoy《Compati Hero》系列作之一嘅遊戲，然後續集正式以機械人集合Game誕生嘅《第2次機械人大戰》，黎到今日2019年登場嘅最新作《超級機械人大戰T》，作品已經超過70款，Fans人數亦多不勝數。

相信有玩過《機戰》嘅朋友一定對呢隻熱血爆燈嘅Game唔會陌生，由2D玩到3D，拎住本攻略玩又試過，參戰嘅作品之後不斷加入，最過癮當然就係可以控制自己鍾意嘅機體，將佢地升到爆Lv，機體能力亦加到爆，出招真係一個字: 爽！

不過，原來《機戰》總製作人寺田貴信先生日前就表示，其實系列本身預計於1995年登場嘅《第4次機械人大戰》就會完結，但因為Fans嘅反應實在太過熱烈，所以一直延續到今日。而相信未來呢隻Game應該都係繼續落去，就睇下佢可以戰到去咩地步啦！