{ SKIP }
文:MenClub 艾力克  
POSTED ON 03 May 2021

近年有唔少小行星掠過地球事件,幸好都只係掠過,並唔係直接撞落地球。最近NASA做咗一項模擬小行星撞地球演習,結果顯示以人類目前科技,除非有阿寶出現,否則完全無法阻止小行星撞擊地球。

雖然NASA演習入面嘅小行星無阿古捷斯咁大粒,但都足以造成巨大災害

早前NASA同ESA(歐洲太空總署)展開一項為期一周嘅小行星撞擊地球演習,假設一顆距離地球3500萬英里(約5600萬公里),名為「2021PDC」嘅小行星將於6個月內撞擊地球。

(圖片截自:NASA

演習資料,小行星「2021 PDC」尺寸設定為35-804米,首次發現於4月19日,當時科學家預計小行星只有5%機率喺10月20日撞擊地球。演習第二日(模擬時間為5月2日),科學們重新計算小行星軌道後,發現「2021 PDC」極有可能撞擊歐洲或北非地區,科學家隨即研究各種方法阻止「2021 PDC」撞擊地球。佢哋曾經就打算發射核彈炸毀小行星,但因為核爆不確定性因素太多,所以否認方案,最終研判人類無辦法喺短時間內改變小行星軌道。

(圖片截自:NASA

演習第三日(模擬時間為6月30日),「2021 PDC」預測軌道顯示將會撞擊東歐地區。演習第四日,科學家確認「2021 PDC」有99%機率落在東歐地區,並帶嚟相等於大型核彈嘅爆炸威力,唯一能夠做到嘅只係疏散撞擊區域民眾,盡可能減少傷亡。

(圖片截自:NASA

為避免演習成真,NASA將於下半年展開防禦系列測試「DART」(Double Asteroid Redirection Test),準備發射一艘宇宙飛船撞擊一顆名為Dimorphos嘅小行星,藉此研究能否改變小行星軌道。

資料來源:businessinsiderNASA

【最期望大作】日本網站票選「最希望被荷里活拍真人化電影的動漫作品」第一眾望所歸 日本網絡最近公開投票選出「最希望被荷里活拍真人化電影的動漫作品」,結果眾望所歸最想被「真人化電影」的作品係..... ... ... ...
hobby
【最期望大作】日本網站票選「最希望被荷里活拍真人化電影的動漫作品」第一眾望所歸
17 May 2021
【跨界新星】日本型格「多士爐」品牌BALMUDA宣佈推出驚艷5G智能電話 日本企業向來精於跨界多方面發展,從過去YAMAHA到好多唔同的大型企業,基本上日本人從來都不安於本業,以出售簡約精品多士爐起家聞名的日本家 ...
hobby
【跨界新星】日本型格「多士爐」品牌BALMUDA宣佈推出驚艷5G智能電話
16 May 2021