{ SKIP }
文:MenClub 魏文青  
POSTED ON 03 May 2021

講起演員Ewan McGregor,你一定會諗起《Star Wars》前傳三部曲中佢飾演Obi-Wan Kenobi,而佢嘅 (相對其他演員) 出色演出,以及當時顏值爆燈嘅Natalie Portman,可以話係前傳三部曲中唯二令人完全滿足嘅部份。但究竟係咩原因令前傳三部曲咁…唔好睇?Ewan McGregor近日接受訪問時就提出一個原因:「George Lucas好鍾意用CGI」。

圖片:IMDB

Ewan McGregor早前接受《The Hollywood Reporter》訪問,就講到當年拍攝《Star Wars》前傳三部曲時遇到嘅問題。佢話《Star Wars》系列創辦人兼導演George Lucas非常鍾意新科技,而且非常堅持要於拍攝中用上最新技術,而當時嘅最新技術,就係藍幕CGI背景。Ewan McGregor指George Lucas「越黎越想控制背景中出現嘅一切」,所以隨住三部曲拍攝,藍幕CGI就越用越多,去到前傳三部曲最後一部電影《Revenge of the Sith》,拍攝場地已經幾乎係全藍幕佈景。

但正如Ian Mckellen拍攝《Lord of the Rings》時對住藍幕流淚,Ewan McGregor亦話藍幕令拍攝變得非常沉悶,「特別係…我唔係想冇禮貌…但 (前傳三部曲) 唔係莎士比亞劇嘛。連環境都冇埋嘅話,對白中就缺乏能夠探討嘅嘢,都幾難做架!」

圖片:IMDB

隨住時間過去,Lucas Film都賣咗畀Disney,而藍幕亦唔係「最新」嘅拍攝技術。Ewan McGregor透露,黎緊拍攝嘅Obi-Wan Kenobi劇集,將會用上《The Mendalorian》嘅背景投影技術。簡單黎講就係用一個好大嘅LED環型幕牆投影出拍攝需要嘅背景,演員就直接企喺個幕牆前做戲,能夠令整個環境有更佳嘅沉浸感。

至於效果好唔好?就要等到2022年劇集正式播放先知啦。

【最期望大作】日本網站票選「最希望被荷里活拍真人化電影的動漫作品」第一眾望所歸 日本網絡最近公開投票選出「最希望被荷里活拍真人化電影的動漫作品」,結果眾望所歸最想被「真人化電影」的作品係..... ... ... ...
hobby
【最期望大作】日本網站票選「最希望被荷里活拍真人化電影的動漫作品」第一眾望所歸
17 May 2021
【跨界新星】日本型格「多士爐」品牌BALMUDA宣佈推出驚艷5G智能電話 日本企業向來精於跨界多方面發展,從過去YAMAHA到好多唔同的大型企業,基本上日本人從來都不安於本業,以出售簡約精品多士爐起家聞名的日本家 ...
hobby
【跨界新星】日本型格「多士爐」品牌BALMUDA宣佈推出驚艷5G智能電話
16 May 2021