現年19歲嘅美國小天后Billie Eilish憑獨特曲風及空靈聲線走紅，年紀輕輕就橫掃多個格林美獎，其Oversized穿著風格亦成為時下年輕人潮流指標。最近佢罕有咁以性感內衣造型示人，登上時裝雜誌《Vogue》封面，大談女性身體形象問題。

在 Instagram 查看這則帖子

BILLIE EILISH（@billieeilish）分享的帖子

前早Billie Eilish為咗新專輯《Happier Than Ever》一改以往綠色髮型，染返做原本嘅金色頭髮，該照片更意外成為全球Instagram上第3多Like嘅相。前早佢就獲邀登上時裝雜誌《Vogue》封面，以性感束胸內衣造示人，展現前所未有嘅一面。

佢喺訪問入面大談女性身體形象問題，表示：「如果你想稍微露下身材，就會突然被人話虛偽、好易上、係雞係公廁。對此，各位女孩應該要扭轉局面，反過嚟展示你嘅身體，展示你嘅肌膚，就算唔咁樣做，都唔應該令你感到不被尊重。」

Billie Eilish喺最新單曲《Your Power》唱盡女性壓制心聲 。