日本網絡最近公開投票選出「最希望被荷里活拍真人化電影的動漫作品」，結果眾望所歸最想被「真人化電影」的作品係「咩都唔好真人化」。以壓倒性票數得第一，第二、三名則係《鬼滅之刃》同《進撃的巨人》。是次投票項目係以「平常會使用 Netflix 或 Amazon Premium 等線上影音平台」為前提且會撇除已經被影視平台宣佈即將會被真人化嘅作品例如《ONE PIECE》《幽遊白書》、《機動戰士GUNDAM》系列等等。唔知你係咪都係一樣，最怕荷里活拍日本動漫真人版電影？真人版「咪搞」成人版還可以！

呢個投票 「最希望被荷里活拍真人化電影的動漫作品」排名如下：

第一名係1.從缺無作品（456 票）最多人選擇唔好搞任何知名動漫作品啦！

至於第二到第十名如下

2.《鬼滅之刃》（60 票）

3.《進撃的巨人》（48 票）

4.《咒術迴戰》（34 票）

5.《火影忍者》（24 票）

6.《名偵探柯南》（18 票）

7.《男兒當入樽》》（15 票）

8.《JoJo的奇妙冒險》（15 票）

9.《我的英雄學院》（15 票）

10.《HUNTER×HUNTER》（14 票）

 大多數人選擇唔好搞我的最愛動漫，原因因為「有出動畫就夠了」、「感覺世界觀會被大改」、「會毀掉原本美好的想像」等。前 4 名不外乎是近年的週刊少年 Jump 人氣大作《鬼滅之刃》、《進撃的巨人》、《咒術迴戰》，原因都係希望荷里活可以做出華麗的視覺特效。荷里活日系真人化作品中，最極端的例子就是《龍珠》、《死亡筆記》，無論係日本定海外的評價都好差勁，不過都依然有幾個相對有好評嘅作品，例如《異空戰士》、《銃夢：戰鬥天使》等。你又認為最想睇到荷里活拍攝邊一部日本動漫作品呢？ 記住唔好搞錯係荷里活電影唔係成人電影！