講起經典電子遊戲，相信《炸彈人》絕對係其中之一，想當年超任幾個朋友一齊玩都咪話唔過癮！而之前一直盛傳推出嘅全新《炸彈人R Online》終於宣佈5月27日正式發售啦！

《炸彈人R Online》將橫跨多個平台，其中包括：PS4、PS5、Switch及Steam，幾個唔同嘅平台將可以一齊同台對戰，遊戲最多更可以一次過支援64人大亂鬥，肯定炸到叫「媽我好亂呀！」

遊戲將以免費暢玩形式進行，玩家將可以喺對決入面累積角色等級，然後去換取服飾及姿勢等，當然遊戲入面梗係有課金位啦，作為課長嘅你將會有唔同嘅道具輔助，咁就更加容易KO對手啦。

另外，遊戲更會有自設房間同時自訂規則模式，彈性將僧更加大，樂趣亦因此變化多端。