過往都同大家介紹過唔少「撞樣」美女，今日就同大家介紹一位神似有村架純嘅Model「小日向ゆか」，除咗個樣同有村架純一樣可愛之外，仲有本尊冇嘅豐滿上圍。

今年23歲嘅「小日向ゆか」，初中時期有次去美容院，無意間拎起雜誌架上嘅《Seventeen》嚟睇，見到入面啲Model全部都好靚女加上著衫又好睇，令佢都憧憬成為一位Model。但由於當時屋企經濟狀況唔太好，佢升讀高中嗰陣就要不打停做PartTime幫補家計，朝早去便利店、中午就去麵食店、而夜晚仲要去居酒居打工，根本冇時間畀佢追尋Model夢。直到20歲嗰年，佢為咗更有效咁賺錢，選擇成為一名宣傳Model（即係大型展覽入面拎住件Product畀人影個啲Model），累積咁上下名氣後，終於獲得經紀公司垂直，正式加入藝能界。

喺2018年「小日向ゆか」憑著神似有村架純嘅樣貌，參加一個專係玩模仿嘅綜藝節目「ものまねグランプリ」而聲名大噪，期後被多本著名雜誌邀請拍寫真，人氣當然有增無減，目前IG坐擁13萬粉絲。最難得嘅係，佢除咗個樣似有村架純之外，仲有本尊冇嘅豐滿上圍，難怪深得粉絲喜愛。

資料來源：twitter@mogmog_yukappy、instagram@mogmog_yukappy