自從日本人發明泡泡洗手液之後，改變左洗手文化，如今狂想的日本人再一次藉住轉化靈感將消防車泡沫救火喉改變成家用，推出一款劃時代吸引力「KINUAMI U」泡泡浴機。沖涼花曬可以噴出無與倫比的綿密泡泡，睇落又好玩又好駛，廠商聲稱將泡泡噴滿全身可以輕鬆帶走皮膚上的髒汙，呢種沖涼體驗肯定非常療癒，所以呢個泡泡浴機係日本眾籌平台引發熱烈矚目，一開預售就破千萬，我相信大家都想買一部收工沖涼噴下自己噴下大小情人。

眾籌平台為好多發明家提供資金嘅募集，日本就有一間大型居家設備供應商LIXIL最近利用眾籌平台推出革命性沖涼裝置「KINUAMI U」泡泡浴機。產品預售仲未推出已經成功募集到過千萬日元引發網絡矚目。 呢款泡泡浴幾句說可以產生無與倫比嘅綿密泡泡，就好似大家第一次見到泡泡洗手液一樣，不過今次係直接用花灑噴勻全身泡非常之有趣， 可以話為沖涼帶來巨大革命！

這款產品最初預計籌集資金目標只係100萬日圓，然而好快網上大熱已經籌到超過1,600萬日圓，而且距離截止期限仲有兩個月之久！同一般小商家放眾籌平台唔同呢款產品其實係由日本國內大企業日本居家設備大廠LIXIL所推出。所以品質同可靠度都有一定保證唔會只玩概念。

其實部泡泡浴機原因並唔複雜，就正如現今流行的泡泡洗手液差唔多，就咁一部裝係浴室，裝置需要使用專用沐浴乳，係泡泡洗手液放大版本。機器會將空氣和沐浴乳打入水中，原理其實同泡沫消防車有異曲同工之妙！廠方表示「我們是借用開發消防車的技術研製這款產品。」靈感來自泡沫消防車的的泡沫放射技術，將超綿密的觸感的泡泡用花曬噴出，讓人享受與別不同的沖涼體驗！

產品名稱係「KINUAMI U」，含稅售價76,780日圓，約5400港幣價錢實在係相當之昂貴！不過廠商就拍心口保證呢種特別嘅體驗絕對值回票價！唔知你有無興趣玩下泡泡浴，睇落真係好似好過癮 ！