人奶有益係人都知，但有益到咩野程度就要頌讚人體嘅奧妙。據美國大學發表最新研究報告 指出感染 COVID-19 病毒的媽媽，其母乳會因應體內病毒產生抗體，餵人奶唔單止唔會讓嬰兒中病毒，仲可以抗體護嬰讓嬰兒吸收抗體。故最新醫學指引要變，確診母親唔應該同嬰兒分開， 因為分開反而會令嬰兒失去得到媽媽抗體嘅機會。

據美國University of Rochester Medical Center，URMC醫學院最新研究報告，指出感染 COVID-19 病毒的母親，哺乳時並不會透過母乳將病毒傳染給嬰兒。且因感染而體內出現抗體的母親，母乳會隨之產生抗體，讓嬰兒吸收。相關報告刊登喺醫學期刊《mBio》，據分析 18 位感染 COVID-19 病毒的女性母乳樣本，發現無任何樣本有病毒，但三分之二樣本內有新冠病毒抗體。 因此研究建議 醫學上唔應該將確診媽媽同佢嘅嬰兒分開隔離。

一般係西方社會，醫院只會係極端情況之下先至會將母親同埋嬰兒隔離分開，由於早前好多人唔清楚病毒確診母親對嬰兒所有影響， 故好多時候醫療人員喺無奈之下一律將嬰兒與母親分開隔離。URMC 兒科醫生 Bridget Young 表示，「如今我地有實驗結果證明，人奶中發現高單位 IgA，一種人體血液和體液常見的抗體。因此確診母親不但止唔會透過母乳感染嬰兒，甚至仲可以藉此傳遞抗體，呢個係一個相當令人振奮的消息！」 

團隊之後會聯合哈佛大學醫學院以及愛德華大學， 嘗試將研究樣本數量擴大， 目前團隊再增加約50位受邀者。 此外佢哋仲研究另一個目標睇下接種咗新冠疫苗嘅母親，人奶中會否有同樣嘅抗體。 相關嘅新聞顯示人體真係非常特別，母乳的確係嬰兒最好嘅食物。然而我知道喺呢個頻道當中睇完呢個新聞可能有人會有特別嘅想法。