疫情打擊全球旅遊業但就造就本土新型觀光旅遊體驗，香港人興起staycation，係日本就潮興玩「特技拍攝爆破攝影團」。去一個專門拍攝戰隊劇電影甚至廣告的傳統熱門爆破外景拍攝地栃木縣岩船山採石場。體驗日本超人戰隊般的特技爆炸場面。如果你都係由細到大睇日本超人同戰隊劇長大，應該都好明白日本人有幾鐘意「特技爆炸」。呢種爆破體驗團仲令我想起一部拍爛手掌的日本電影「黑幫有個荷里活」！唔知香港有無人搞下特技電影爆炸同飛車一日團！

凡事都唔係絕對，旅遊業絕對灰暗中都有另類新方式彈起。日本栃木縣最近就利用縣內經常被特攝劇借外景拍攝爆破場面的岩船山推出原先只想針對外國人的爆破攝影團！不過推出後居然大受日本本地人歡迎，旅遊團隊應接不暇，成為大熱旅遊項目。岩船山原本就係日本絕大多數特技爆破場面的拍攝地點，日本人一想起爆炸場面內心背景就一定係呢度，甚至其實你都一定見識過呢個爆炸場景，睇過超人戰隊們係前面打關抖出絕招景像。呢種特攝爆炸攝影團正是讓參加者可以親身到達現場，親身體驗爆炸同係爆炸時對鏡頭作出各位拍攝，最後體驗爆炸大合照完美一刻。據知呢個魄力十足的COSPLAY爆破相相當受到歡迎，玩法係每團５人以內，一共爆炸５次影到5套爆炸相，收費５萬日圓！包場玩一日則盛惠40萬日圓！一大堆日本人爭相報名！