《遊戲王》可以話係風靡全球嘅卡牌遊戲，其售出嘅卡牌數已經超過1億張，而當中有為數不多嘅卡牌，因為其功能實在太強，最終被官方定性為禁卡，正規比賽中並唔可以使用，「強欲之壺」就係其中之一。

「強欲之壺」係遊戲王入面嘅魔法卡，當打出呢張牌嘅時候，出牌嘅玩家將可以從牌組抽兩張牌，由於不需任何代價就可以以一張牌換回兩張牌，功能上實在太過強大，所以為免破壞比賽平衡，最終被官方列為禁卡之一。

而由於「強欲之壺」嘅外型實在太特別，因此每當推出其商品嘅時候必定會成為話題。而有日本神人就突然決定自製一個天鵝絨面嘅「強欲之壺」！

呢位日本神人以3D打印技術印出「強欲之壺」，之後自己為佢上色，最終成功製造出接近100％神還原嘅「強欲之壺」。據指呢位神人以個半月嘅時間已經完成，並指拎出街當袋用一定會成為焦點。