{ SKIP }
文:MenClub 艾力克  
POSTED ON 18 Jun 2021

隨住年齡增長,唔少男士都可能會遇上脫髮更甚至禿頭危機,不過只要唔係甩到好似埼玉老師咁完全光頭,都可以呃下人(同自己)只係天生髮線高,反正高唔高冇一個客觀標準。不過,最近就有間日本公司做咗項調查,喺日本47個都道府縣各抽取100位市民,訪問佢哋覺得髮線幾高先叫做「頭髮稀少」,結果顯示日本人認為眉毛至髮線距離7cm或以上就係「頭髮稀少」。睇緊呢篇文嘅你,係咪已經急不及待搵把間尺出嚟度下呢?

(圖片截自:dime.jp

早前日本公司「アンファーAngfa」進行一項名為「頭髮稀少界線(薄毛の境界線)」調查,喺全國47個都道府縣各抽取100人,合共4,700人,男女比例各半,年齡介乎於20-69歲,訪問佢哋覺得髮線幾高先叫做「頭髮稀少(薄毛)」,統計結果顯示只要眉毛至髮線距離7cm或以上就視為「頭髮稀少」。

(圖片截自:dime.jp

從上述數據可以睇到,雖然最多人(33%)覺得「7cm」係分界點,但其實都有唔少人(32.3%)覺得「6cm」就係分界點,所以未到「7cm」就朋友都唔使咁興奮,因為你係唔少日本人眼中都係「頭髮稀少」。

(圖片截自:dime.jp

如果從性別劃分嘅話就會得出一個驚人結果,以4-5cm呢個範圍為例,竟然31%男性認為闊過4-5cm已經叫做「頭髮稀少」,可以見到男人對「頭髮稀少」嘅定義比起女性嚴格得多。

資料來源:dime.jp

作為一個貓奴,你去叫主子但主子明明聽到都唔應你,係一件非常合理嘅事。但主子唔理你,好有可能唔係因為聽唔明你講咩,而係根本就唔想理你。因為據日本一個研究發現,主子們好可能係知道同一屋簷下嘅其他貓叫咩名。 ...
hobby
【寵物】日本研究指出 貓其實聽得明其他貓叫咩名
20 May 2022
雖然話大家返工都係為份糧,但一個好嘅老細的確能夠令打工仔「獲得份糧嘅過程」好過得多,相信唔少打工仔心目中亦會有一個「理想老細」嘅形象。近日日本網民「とあるん@toarutoa」就於Twitter列出「原版《龍珠》嘅菲 ...
hobby
【職場】日網民指菲利係個好老細!獲14萬人讚好
20 May 2022