{ SKIP }
文:MenClub 艾力克  
POSTED ON 28 Jun 2021

改編自George R.R. Martin史詩奇幻長篇小說《冰與火之歌》嘅《Game of Thrones》,可以話係美劇史上重要里程碑之一,粉絲遍佈全球各地,每集都大灑金錢當成電影咁拍,(曾經)係唔少人心目中嘅神作,可惜就因為最後嗰幾季拍得太爛而引起粉絲不滿,更有人喺網上發起聯署要求HBO重拍第8季。事隔兩年,近日George R.R. Martin就坦言冇諗過劇集會拍得快過佢寫小說,甚至到後期直頭超越埋咗佢,令到劇情走向變得好奇怪,並承諾當佢寫完本書,大家就會見到不一樣嘅結局。

近日George R.R. Martin接受WTTW Chicago訪問時表示,「當HBO製作《Game of Thrones》嗰陣,我已經有四本書,而第五本亦都喺劇集播出嗰陣出版埋。你都知啦,我每本書都係好厚嘅長篇小說,我從來冇諗過劇集會追得上我寫作嘅速度,但佢哋唔只追得上我,仲要超越埋我。導致後期劇情走向變得好奇怪,朝向一個節然不同嘅方向發展。」雖然Martin一直有向劇組提供結局嘅諗法,但劇集最後結果係點大家都有目共睹,佢就承諾小說嘅結局將會有所不同,等佢寫完本書大家就可以見到「Martin版」結局。

值得一提嘅係,George R.R. Martin上一本書已經係2011年出版嘅《魔龍的狂舞》,距離至今將近10年仍然未出版第6本作品《凜冬的寒風》,睇嚟佢嘅拖稿速度同富奸有得揮。咁當然唔排除係因為劇集出街後反應太好,搞到佢都唔敢輕易落筆,深思熟慮多年先決定好點樣寫埋落去,佢亦表示如果進度良好,今年內應該就可以寫完。

純屬猜想:唔知《Game of Thrones》係咪可以好似《鋼鍊》動畫咁呢?由於當年03年版《鋼鍊》動畫出得快過原著漫畫,製作組就自行腦補後續劇情,製作出另一個平行時空,後來先出返忠於原著嘅《鋼鍊FA》。如果HBO等Martin寫完本書再拍返套「Martin版」《Game of Thrones》結局,各位又會唔會期待先?

資料來源:deadlinecollider
獅門影業出品嘅心理驚悚片《The Housemaid》正式發布首條預告!電影由《Bridesmaids(最爆伴娘團)》導演Paul Feig執導,Sydney Sweeney同Amanda Seyfried擔綱女主角,預計今年12月19日喺美國上映,香港上映日期暫時 ...
hobby
【影視】Sydney Sweeney、Amanda Seyfried聯手主演 心理驚悚片《The Housemaid》 預告出爐
17 Sep 2025
Rockstar對《GTA 6》信心爆棚,最近在一則招聘廣告中,宣稱呢款新作將會成為「史上最大規模遊戲發布」!目前正招募一位首席軟件工程師,確保遊戲在明年推出時一切順利,震撼全球數百萬玩家。 blockquote class= ...
hobby
【電玩】Rockstar招聘廣告自稱《GTA 6》將成為史上最大規模遊戲發布
16 Sep 2025