仲記得當年《逃避雖可恥但有用》好紅嗰陣，除咗女主角「新垣結衣」以外，最多人討論就係劇中飾演年輕單親媽媽小安嘅「真野惠里菜」，更一度引起「揀邊做老婆好？」、「邊個正啲？」等等嘅爭論。雖然佢後來同咗日本國腳柴崎岳結婚榮升做人妻，但我相信好多人都對佢可愛嘅外表念念不忘，今日就同大家重溫一下全盛時期嘅「真野惠里菜」。

今年30歲嘅「真野惠里菜」，2006年加入「早安家族」旗下組合「Hello! Pro研修生」出道，後來單飛成為SOLO歌手，期間又客串下日劇、電影同埋拍寫真，可惜事業一直都冇太大起息，直到2016年出演人氣日劇《逃避雖可恥但有用》先瞬間走紅，期後出親寫真都大賣甚至要加印。

可惜紅咗幾年之後，佢就放棄事業同日本國腳柴崎岳拉埋天窗，搬到西班牙同老公居住。雖則佢冇正式宣布退出藝能界，但佢嘅產量其實同引退冇咩分別，對上一套日劇已經係參演《逃恥》特別篇，當然都冇再拍性感寫真大曬身材啦，現時喺西班牙過住幸福快樂嘅生活，得閒就放下狗仔。

資料來源：Twitter@erina_mano、instagram@erinamano_official