《一拳超人》呢套動漫，可以話係近年最受歡迎嘅熱血格鬥漫畫之一，特別係其動畫質素更加係超級出色，睇到人熱血沸騰。當中主角「琦玉老師」壓倒性嘅實力就更加令人拜伏，亦令佢成為最受歡迎嘅角色之一。

而近日美國潮牌「BAIT」就搵上「琦玉老師」一齊同Adidas Originals推出一款Crossover鞋款 - Montreal 76。當然，呢次三方Crossover嘅鞋款就梗係限定同要抽籤啦。

作為《一拳》標誌性嘅角色，呢對Montreal 76就完美融入「琦玉老師」嘅特色，其黃色緊身衣及紅色披風將變身鞋身嘅主色，而鞋舌就印上「琦玉」嘅半身照，上面亦寫上「BAIT」；鞋側面則燙上「サイタマ（琦玉）」字眼；鞋踭位置則寫上「One Punch Man」；而隱藏於內嘅鞋墊則印上「琦玉」型到爆嘅動畫插畫。

作為咁型又咁稀有嘅一次Crossover，試問愛鞋、愛《一拳》嘅你又點可以唔入手呀?