{ SKIP }
文:MenClub 摯樂  圖:互聯網
POSTED ON 06 Jul 2021
【最佳模範】冰島研究證實每星期只返4日半工減少工時好處多多產能顯著提升

工作時數過長真係完全無好處,一星期返5日工每日8小時都係太多,冰島一個為期五年的大型研究實驗證明,每星期再減少4至5小時工作時間,員工各方面包括生產力都有極大提升。一星期返4日半工月薪不變真係多多好處,如果香港都可以試下香港社會肯定一團和氣市民消費力大升,移民人口改變為大量人移民香港,想要幸福感不妨爭取每週工作4日半,有無政黨肯推,贏硬!


由20世紀開始好多地方每星期工作5日,一星期做40小時工作,不過越來越多實驗可以證實每星期由5日縮減到4日工作好處多多。幾年前紐西蘭以及瑞典都曾經做過實驗,要求企業的員工係人工不變的情況下,工作日數由5日減到4日,結果都係發現員工生產力、參與度同滿意度都大大改善。 而冰島則擴大實驗規模,並觀察 2,500 位不同產業的員工。實驗最初由冰島首都Reykjavik市議會發起,幾十位員工每星期只要工作 35、36 小時,就能獲得 40 小時工資,結果證明成功;隨後實驗擴大到不同領域職業,包括公共服務機構如警察、醫院及學校等。由實驗得來的各種數據都顯示,實驗大成功。多數員工要麼生產力提高,要麼維持不變,但就造成健康同福利狀況都得到顯著改善。


要講清楚,冰島的實驗並非要求參加者一定要工作4日,而係讓參加者自己調整搵適合自己的輪班方法,例如部份人每星期休息半日,或其他員工每兩星期休息多一日,令參與的公司可以讓輪班員工重新調整輪班模式。警察局都嘗試以唔同的工作時間編更,發現每週減少半日比傳統輪班模式更好。


冰島報告指出,有大量證據表明,產能提高與工作時數縮短有關,除左員工工作時感覺更好,效率往往會提升。報告研究員 Gudmundur Haraldsson 認為,冰島實驗不僅證明現代可以減少工作量,漸進式改變也有可能。自從實驗結束之後,冰島有 86% 工作人口直接縮短每星期工作天數,或有提供類似福利政策。有研究者認為,冰島的成功實驗係由公務員發起,代表由政府帶頭的公務員縮減工時先驅時機已經成熟,絕對有機會成為世界其他政府的模範樣板。不過香港公務員尤其最大型的公務員團隊除左唔主張減工時仲成日OT,單靠一年OT已經可以買得起借一層新樓。試問又點會同意減少工作時數?



雖然Johnny Depp控告前妻Amber Heard誹謗案早於6月1日就已經由JD勝訴作結,坊間亦一早接受AH敗訴嘅事實,但AH方似乎拒絕認命,決定死戰到底。據知雙方律師日前回到法官Penny Azcarate面前作最終裁定前嘅最後一次聽證 ...
hobby
【AH上訴】死戰到底!AH拒絕和解先賠8600萬再上訴
27 Jun 2022
由Margot Robbie及Ryan Gosling共同主演嘅真人版《Barbie》,目前正在如火如荼拍攝,預計2023年7月上映。近日網上就流出多張片場照,可見兩位一粉一黑有講有笑,但就未見其他演員登場。 片場照(圖 ...
hobby
【影視】真人版《Barbie》片場照曝光 Margot Robbie、Ryan Gosling粉黑牛仔造型
27 Jun 2022