數下手指，由秋元康所創立嘅第二個「AKB48」姊妹團「NMB48」差唔多有11年歷史，多年嚟塑造過唔少甜美可愛偶像。但講到較為「凸出」嘅成員，又點少得一期生「渡辺美優紀」，當年在籍時期同「山本彩」堪稱團內兩大巨頭，即使依家步入「輕熟」階段，依然性感迷人。

今年27歲嘅「渡辺美優紀」喺17歲嗰陣參加「NMB48一期生徵選會」擊敗7,000多名參賽者成功出道，由於識跳識唱加上可愛動人，好快就成為團內人氣成員，與同期隊友「山本彩」成為NMB48兩大靈魂人物，直到2016年宣布畢業單飛發展。經過2年「過冷河」及刻苦進修，喺2018年復出再戰藝能界，除咗繼續唱歌之外，亦會間唔時出寫真曬下身材。

出咗名身材索爆嘅「渡辺美優紀」，影寫真嗰陣都會大方擺盡各種誘人Pose盡顯風韻，擠胸倒奶應有盡有，真係睇到粉絲們心肝仔卜卜咁跳。

資料來源：instagram@miyukichan919、twitter@miyukiofficial9