每屆的奧運會選手村內都有好多浪漫性史，今屆東京奧運特別在時序於疫情大流行中，唔好講話親密行為，連普通交朋友都因為疫情而變得困難。不過雖然如此，東京奧委會依然準備為各國健兒派發合共15萬個安全套。而當中流傳一個都市新傳說指出東京奧運會選手村所使用的特制硬卡紙板環保床係無法承受兩個成年肉體糾纏搏鬥，床板抗水性亦係疑問？總之選手村房間內的床似乎係無法進行性行為！不過近日選手村床具供應商回應指傳聞不實，話選手村內紙床可以承受200公斤重量並保證即使運動員進行激烈運動都唔會有床塌危機，但就只限最多兩個人的重量，唔建議多於二人係床上活動！

如果大家有關注東京奧運應該都知道今屆嘅奧運選手村，日本使用特製嘅硬卡紙床寢具，之前有報導指紙製寢具無法承受兩個成年人嘅重量，並以此設計防止性行為發生。 好彩近日床具供應商出面解畫，肯定紙制床具可以承受200公斤咁重，只要唔好有三人劇烈運動，應該可以放心享用。

今屆東京奧運會主辦單位按照慣例繼續向運動員發送安全套， 不過賽會只係準備咗15萬個安全套。 翻查紀錄2016年嘅巴西里約熱內盧奧運會破紀錄派發咗45萬個安全套。似乎奧運選手喺奧運選手村內做愛係司空見慣常態活動。美國奧運游泳選手賴恩·洛捷迪就講過：「我認為70%至75%選手喺奧運會期間都會有性行為。」唔知今年嘅東京奧運會會唔會有選手村睡床倒塌的報告，又會有幾多案例玩到睡床倒塌係同選手性行為有關？