{ SKIP }
文:MenClub 艾力克  
POSTED ON 04 Aug 2021

尋日內地官媒《經濟參考報》發表文章,痛斥網絡遊戲彷似「精神鴉片」,嚴重影響未成年人身心健康發展,並點名批評騰訊旗下遊戲《王者榮耀》。雖然有關文章已被下架,但同日騰訊就宣佈以《王者榮耀》為試點,推出「雙減、雙打、三提倡」七項防沉迷打機新措施,減少未成年人士在線時間,禁止12歲以下玩家課金。

所謂嘅「雙減、雙打、三提倡」,分別係減時長、減充值、打擊身份冒用(因為有小朋友用大人身份開設帳號躲過審查)、打擊作弊,同時倡議全面禁止12歲以下小學生打機、企業進一步強化遊戲防沉迷系統、深化研究游戲適齡評定及實施機制。

騰訊於官方微信號「鵝廠黑板報」宣布新防沉迷措施。

新措施將會規定未成年用戶平日只可以玩1個鐘《王者榮耀》,假日則為2個鐘,並禁止12歲以下小學生課金,同時會將原本嘅「零點巡查」系統升級成「全天巡查」,嚴厲打擊未成年人冒充成年人打機情況。(「零點巡查」簡單嚟講就係夜晚打太耐機嗰陣,遊戲會透過臉部辨識技術Check下玩家係咪成年,詳情可參考以往報導。)

資料來源:騰訊
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025