自從2020年起，相信大家正常都無得再去日本啦，係咪好掛住「鄉下」嘅味道呢? 同埋喺香港食嘅日本菜硬係覺得好似點都同日本有一段距離? 咁不如去試下以下最新推出嘅「職人の膳」菜單。

由千両「職人」師傅心思創作，推出全新「職人の膳」六道菜餐目，分兩個階段、三個地區供應合共六款餐目。每款餐目均由各分區職人負責設計，菜式內容則會根據當日漁穫及食材而定，六款餐目包括前菜、刺身、熱食如煮物、燒物或炸物、「職人壽司」、汁物及甜品。

而最新一輪「職人壽司」系列會以奢華上乘魚鮮為主題，其中包括馬糞海膽配搭炙燒和牛、富山縣白蝦、慢煮龍蝦或大吞拿魚腩；吞拿魚頭蓋肉（腦天）、沖繩縣產車海老及北海道產特大珍寶帶子等，以上餐目再可以搭配職人精心挑選嘅頂級日本清酒佳釀，令鮮味更上一層樓。

私心推介，如果你係清酒愛好者一定要加$168，咁就可以享用三杯各90ml完美配搭嘅清酒*。

*推介清酒包括：楯野川 三十三 純米大吟釀、山 本 潤黒 純米吟醸及泉橋 黑蜻蜓 生酛純米