圓周率作為永無止境嘅一串數字，咁多年黎一直有人不斷刷新其小數點後嘅數字，而最新又有人打破紀錄啦！

今次打破圓周率紀錄嘅係一班黎自瑞士嘅學者，佢地最新搵到小數點後62.8萬兆個位，你無睇錯真係天文數字級別。

據指瑞士呢班學者用上兩個32核AMD Epyc 7542 處理器、1 TB 記憶體以及一個叫做 y-Cruncher 嘅程序。而除左以上嘅設備之外，佢地亦都準備左38個達到16TB嘅Hard disk去儲存資料，最終一共花左108日9個鐘去計算及儲存。

此前嘅紀錄保持者為Timothy Mullican，佢一共計算出 50 萬億位數字，而如今新紀錄則大幅拋離舊紀錄了。